1 лютага – серада Звычайнага Перыеду

ІV тыдзень Звычайнага Перыеду

ІV тыдзень псалтыра

ЗАКЛІК

Ант. Праслаўляйма Пана/ Які з’яўляецца святлом свету.

Псальм 67

Няхай Бог змілуецца над намі і благаславіць нас, *

няхай заззяе аблічча Яго над намі,

каб на зямлі мы спазналі Ягоную дарогу, *

між усімі народамі Яго збаўленне.

Ант. Праслаўляйма Пана/ Які з’яўляецца святлом свету.

Няхай славяць Цябе народы, Божа, *

няхай славяць Цябе народы ўсе.

Няхай весяляцца *

і радуюцца ўсе плямёны,

бо Ты судзіш народы паводле праўды *

і плямёнамі на зямлі кіруеш.

Ант. Праслаўляйма Пана/ Які з’яўляецца святлом свету.

Няхай славяць Цябе народы, Божа, *

няхай славяць Цябе народы ўсе.

Зямля прынесла свой плён; *

Няхай Бог, наш Бог нас благаслаўляе.

Няхай Бог нас благаслаўляе, *

няхай баяцца Яго ўсе межы зямлі.

Ант. Праслаўляйма Пана/ Які з’яўляецца святлом свету.

Хвала Айцу і Сыну

 і Духу Святому,

 Як была спрадвеку цяпер і заўсёды

 і на векі вечныя. Амэн

Ант. Праслаўляйма Пана/ Які з’яўляецца святлом свету.

Малітва

Пане, наш Божа, † учыні, каб мы ўсёю душою Цябе праслаўлялі * і любілі ўсіх людзей шчырым сэрцам. Праз Пана нашага Езуса Хрыста, Твайго Сына, † якi з Табою жыве i валадарыць у еднасцi Духа Святога, * Бог, праз усе вякi вечныя.

КАМПЛЕТА