7 студзеня – субота Перыеду Нараджэння Пана.

ЗАКЛІК

ант.  Хрыстос нарадзіўся, * услаўляем Уцелаўлёнае Слова.

Псальм 100

Усклікай Пану, уся зямля. *

З радасцю служыце Пану.

Станьце перад Яго абліччам *

з радасным спевам.

ант.  Хрыстос нарадзіўся, * услаўляем Уцелаўлёнае Слова.

Ведайце, што Пан ёсць Богам, *

Ён стварыў нас, і мы Ягоныя.

Мы Яго народ *

і авечкі Ягонай паствы.

ант.  Хрыстос нарадзіўся, * услаўляем Уцелаўлёнае Слова.

Уваходзьце ў брамы Яго з падзякаю, †

на дзядзінцы Ягоныя з гімнам хвалы, *

праслаўляйце і благаслаўляйце Яго імя.

Бо Пан ёсць добры, *

навекі Ягоная міласэрнасць,

і вернасць Яго *

з пакалення ў пакаленне.

ант.  Хрыстос нарадзіўся, * услаўляем Уцелаўлёнае Слова.

 Хвала Айцу і Сыну

 і Духу Святому,

 Як была спрадвеку цяпер і заўсёды

 і на векі вечныя. Амэн

ант.  Хрыстос нарадзіўся, * услаўляем Уцелаўлёнае Слова.

Малітва

Усемагутны вечны Божа, Ты праз Сына Твайго Адзінароднага ўчыніў, каб мы сталіся новым стварэннем, † дай, просім, каб з ласкі Тваёй мы перамяніліся на ўзор Хрыста, * у якім наша чалавечая сутнасць з’ядналася з Тваім боствам. Праз Пана нашага Езуса Хрыста, Твайго Сына, † які з Табою жыве і валадарыць у еднасці Духа Святога, * Бог, праз усе вякі вечныя.

Камплета