Літургія Гадзінаў - Брэвіарый: АЎТОРАК ПЕРШАГА ТЫДНЯ

I тыдзень Звычайнага Перыеду

І тыдзень псалтыра

АЎТОРАК ПЕРШАГА ТЫДНЯ

ЮТРАНЬ

Божа, прыйдзі. Хвала Айцу. Як была спрадвеку. Аллелюя.

Усё пададзенае вышэй прапускаецца, калі гэтая Гадзіна чытаецца непасрэдна пасля Закліку.

Гімн

1 Світанак абвяшчае зямлі

Бляскі сонечных праменняў

І паказвае ў сваім святле

Сапраўдныя колеры і формы.

2 Для Цябе, прадвечнае Сонца,

Хрыстос усемагутны, жывы,

Мы ўзносім нашы малітвы,

Упэўнены, што Ты асвеціш нас.

3 Мудрасць Айца, Ты - Слова,

Дзякуючы Якому усё існуе

І сваім ладам прыцягваеш

Сэрца і думкі людзей.

4 Хочам з Тваёй дапамогай

Станавіцца сынамі святла

І сваім жыццём скласці сведчанне

Айцу ласкі і дабрыні.

5 Дапамажы заўсёды вызнаваць

Сумленнасць нашымі вуснамі

Абудзі любоў да праўды,

Што напаўняе ўсіх радасцю.

6 O Хрыстос, Валадар лагодны,

Табе і Айцу Твайму

З Найсвяцейшым Даўцам суцяшэння

Хвала няхай будзе заўжды. Амэн.

Псальмодыя

1 ант. Той, у каго бязвінныя рукі і чыстае сэрца, * узыдзе на гару Пана.

Псальм 24

Прыйсце Пана ў святыню

Нябесныя брамы адчынены для Хрыста, дзеля Яго цялеснага ўнебаўшэсця (св. Ірэнэй)

Пану належыць зямля і ўсё, што на ёй, *

сусвет і ўсё, што жыве ў ім.

Бо Ён заснаваў яго на морах *

і на рэках умацаваў яго.

Хто ўзыдзе на гару Пана, *

і хто стане на святым месцы Ягоным?

Той, у каго рукі бязвінныя і чыстае сэрца, *

хто не схіляў душы да марнасці.

Ён атрымае благаслаўленне ад Пана *

і ўзнагароду ад Бога, свайго Збаўцы.

Вось пакаленне тых, хто Яго шукае, *

хто шукае абліччаТвайго, Бог Якуба.

Падыміце, вярхі вашыя, брамы, †

узніміцеся, адвечныя вароты, *

каб увайшоў Кароль славы.

Хто ж гэты Кароль славы? †

Пан, моцны і магутны, *

Пан, магутны ў барацьбе.

Падыміце, вярхі вашыя, брамы, †

узніміцеся, адвечныя вароты, *

каб увайшоў Кароль славы.

Хто Ён, гэты Кароль славы? *

Пан Магуццяў, Ён Кароль славы.

Хвала Айцу і Сыну

і Духу Святому,

Як была спрадвеку, цяпер і заўсёды

і на векі вечныя. Амэн

Ант. Той, у каго бязвінныя рукі і чыстае сэрца, * узыдзе на гару Пана.

2 ант. Праслаўляйце Валадара вякоў * сваімі справамі.

Песня Тоб 13, 2-8 (Vlg)

Бог, які карае і ратуе

Благаслаўлёны Бог і Айцец нашага Пана Езуса Хрыста, які праз вялікую міласэрнасць сваю адрадзіў нас (1 П 1, 3)

Благаслаўлёны Бог, які жыве, навекі, *

і Ягонае валадарства,

бо Ён карае і праяўляе міласэрнасць, *

зводзіць уніз аж да адхлані

і ўзнімае веліччу сваёй са згубы, *

няма таго, хто пазбегне Ягонай рукі.

Вызнавайце Яго, сыны Ізраэля, перад народамі, †

бо Ён сам рассеяў вас сярод іх *

і нават там паказаў сваю веліч.

Узносьце Яго перад кожным жывым, †

бо Ён наш Пан і Ён Айцец наш, *

Ён Бог наш на вякі вякоў.

За беззаконні вашыя Ён пакараў вас, *

але злітуецца над вамі ўсімі

і збярэ вас між усіх народаў, *

сярод якіх вы былі рассеяны.

Калі вы навернецеся да Яго †

ўсім сваім сэрцам і ўсёй сваёй душою, *

каб справядліва паступаць перад Ім,

тады Ён вернецца да вас *

і больш не будзе хаваць ад вас свайго аблічча.

Цяпер паглядзіце на тое, што Ён вам зрабіў, *

і вызнавайце Яго ва ўвесь свой голас.

Благаслаўляйце Пана справядлівасці *

і ўзносьце Караля вякоў.

На зямлі маёй няволі Яго вызнаю *

і паказваю Ягоную моц і веліч грэшнаму народу.

Навярніцеся, грэшнікі, *

і паступайце справядліва перад Ім.

Хто ведае, можа будзе ласкавы *

і праявіць да вас міласэрнасць?

Я і мая душа радасна славім Караля нябёсаў, *

мая душа будзе радавацца ва ўсе дні майго жыцця.

Благаслаўляйце Пана, усе выбраныя †

і ўсе хваліце Ягоную веліч. *

Праводзьце ў радасці дні і вызнавайце Яго.

Хвала Айцу і Сыну

і Духу Святому,

Як была спрадвеку цяпер і заўсёды

і на векі вечныя. Амэн

Ант. Праслаўляйце Валадара вякоў * сваімі справамі.

3 ант. Праведным належыць * хваліць Пана.

Псальм 33

Хвала Божага Провіду

Усё праз Яго сталася (Ян 1, 3)

Радуйцеся ў Пану, справядлівыя, *

праведным належыць хваліць Яго.

Слаўце Пана на гуслях, *

грайце Яму на дзесяціструннай арфе.

Спявайце Яму новую песню, *

прыгожа грайце Яму і гучна.

Праўдзівае слова Пана, *

і ўсе ўчынкі Ягоныя верныя.

Ён любіць справядлівасць і правасуддзе, *

міласцю Пана поўніцца зямля.

Словам Пана створаны нябёсы, *

дыханнем Яго вуснаў – уся іхняя моц.

Ён воды марскія збірае, быццам у мех, *

бездані складвае ў сховах.

Няхай баіцца Пана ўся зямля, *

няхай дрыжаць перад Ім усе жыхары свету.

Бо Ён прамовіў – і сталася, *

Ён загадаў – і з’явілася.

Пан касуе намеры язычнікаў, *

знішчае задумы народаў.

Намеры Пана трываюць навекі, *

задумы сэрца Ягонага з пакалення ў пакаленне.

Шчаслівы народ, Богам якога ёсць Пан, *

народ, які Ён выбраў сабе ў спадчыну.

Пан паглядае з нябёсаў, *

бачыць усіх сыноў чалавечых.

З месца пасаду свайго Ён глядзіць *

на ўсіх, хто жыве на зямлі.

Ён стварыў сэрца кожнага з іх, *

і зважае на ўсе іхнія чыны.

Не збавіць караля яго шматлікае войска, *

асілка не ўратуе яго вялікая сіла.

Конь не дапаможа ўратавацца, *

сваёй празмернай сілай ён не збавіць.

Вось вока Пана над тымі, хто Яго баіцца, *

над тымі, хто спадзяецца на Яго міласэрнасць,

каб Ён душу іх уратаваў ад смерці *

і накарміў іх у час голаду.

Душа наша чакае Пана, *

Ён – наша дапамога і абарона.

Радуецца ў Ім нашае сэрца, *

на Яго святое імя мы спадзяёмся.

Міласэрнасць Твая, Пане, няхай будзе над намі, *

бо мы на Цябе спадзяёмся!

Хвала Айцу і Сыну

і Духу Святому,

Як была спрадвеку цяпер і заўсёды

і на векі вечныя. Амэн

Ант. Праведным належыць * хваліць Пана.

Чытанне Рым 13, 11b. 12-13a

Цяпер настала пара ўжо нам прачнуцца ад сну. Ноч прайшла, а дзень наблізіўся: дык вось, адкінем дзеі цямна і апранемся ў зброю святла. Як удзень, будзем паводзіць сябе прыстойна.

Кароткі рэспансорый

С: Цябе клічу, Божа мой і Валадар, Ты чуеш зранку мой голас.

У: Цябе клічу, Божа мой і Валадар, Ты чуеш зранку мой голас.

С: На світанні ўзношу да Цябе просьбы.

У: Ты чуеш зранку мой голас.

С. Хвала Айцу і Сыну і Духу Святому.

У: Цябе клічу, Божа мой і Валадар, Ты чуеш зранку мой голас.

Песня Захарыя

Ант. Пан узбудзіў для нас моц збавенную * у доме слугі свайго Давіда.

Песня Захарыі Лк 1, 68-79

Благаслаўлёны Пан Бог Ізраэля, *

што наведаў народ свой і даў выбаўленне яму.

І ўзбудзіў для нас моц збавенную*

у доме слугі свайго Давіда.

Як абвясціў вуснамі *

спрадвеку святых прарокаў сваіх.

Выратуе нас ад ворагаў нашых *

і ад рук усіх, хто нас ненавідзіць.

І ўчыніў ласку бацькам нашым *

і ўзгадае святы запавет свой.

Прысягу, якую даў Абрагаму, *

айцу нашаму, дасць нам.

Не з боязі, *

пасля выбаўлення з рук ворагаў нашых,

Служыць Яму ў святасці і праўдзе *

перад Ім ва ўсе дні жыцця нашага.

А ты, дзіцятка, *

назавешся прарокам Найвышэйшага, *

Бо пойдзеш прад абліччам Пана *

падрыхтаваць шляхі Яму.

Дасі народу пазнаць збаўленне *

праз адпушчэнне яго грахоў.

Дзякуючы міласэрнасці нашага Бога, *

з якою наведае нас Усход з вышыні,

Каб прасвятліць тых, *

што ў цемры і ў цені смяротным,

Каб пакіраваць ногі нашыя *

на дарогу спакою.

Хвала Айцу і Сыну

і Духу Святому,

Як была спрадвеку цяпер і заўсёды

і на векі вечныя. Амэн

Ант. Пан узбудзіў для нас моц збавенную * у доме слугі свайго Давіда.

Просьбы

Закліканыя прыняць удзел у жыцці Бога праслаўляйма наш Першасвятара, Езуса Хрыста, і ўсклімайма да Яго: