16 студзеня – панядзелак Звычайнага Перыеду.

ІІ тыдзень Звычайнага Перыеду
ІІ тыдзень псалтыра

ЗАКЛІК

ант.  Праслаўляйма Пана * з радасцю будзем спяваць Яму гімны.

Псальм 100

Усклікай Пану, уся зямля. *

З радасцю служыце Пану.

Станьце перад Яго абліччам *

з радасным спевам.

ант.  Праслаўляйма Пана * з радасцю будзем спяваць Яму гімны.

Ведайце, што Пан ёсць Богам, *

Ён стварыў нас, і мы Ягоныя.

Мы Яго народ *

і авечкі Ягонай паствы.

ант.  Праслаўляйма Пана * з радасцю будзем спяваць Яму гімны.

Уваходзьце ў брамы Яго з падзякаю, †

на дзядзінцы Ягоныя з гімнам хвалы, *

праслаўляйце і благаслаўляйце Яго імя.

Бо Пан ёсць добры, *

навекі Ягоная міласэрнасць,

і вернасць Яго *

з пакалення ў пакаленне.

ант.  Праслаўляйма Пана * з радасцю будзем спяваць Яму гімны.

 Хвала Айцу і Сыну

 і Духу Святому,

 Як была спрадвеку цяпер і заўсёды

 і на векі вечныя. Амэн.

ант.  Праслаўляйма Пана * з радасцю будзем спяваць Яму гімны.

Малітва

Усемагутны Божа, Ты нас давёў да пачатку сённяшняга дня, † захавай нас ад усялякага граху, * і ўчыні, каб нашыя думкі, словы і дзеянні згаджаліся з Тваёй воляй. Праз Пана нашага Езуса Хрыста, Твайго Сына, які з Табою жыве і валадарыць у еднасці Духа Святога, Бог, праз усе вякі вечныя.

КАМПЛЕТА