3 лютага – успамін св. Блажэя, мучаніка.

 Св. Блажэй быў біскупам у Сэдасце, у Арменіі. Пасля цяжкіх мукаў быў забіты прыблізна ў 316 годзе. Ушаноўваецца як патрон у хваробах горла.

ЗАКЛІК

Ант. Праслаўляйма Пана / Валадара мучанікаў.

Псальм 67

Няхай Бог змілуецца над намі і благаславіць нас, *

няхай заззяе аблічча Яго над намі,

каб на зямлі мы спазналі Ягоную дарогу, *

між усімі народамі Яго збаўленне.

Ант. Праслаўляйма Пана / Валадара мучанікаў.

Няхай славяць Цябе народы, Божа, *

няхай славяць Цябе народы ўсе.

Няхай весяляцца *

і радуюцца ўсе плямёны,

бо Ты судзіш народы паводле праўды *

і плямёнамі на зямлі кіруеш.

Ант. Праслаўляйма Пана / Валадара мучанікаў.  

Няхай славяць Цябе народы, Божа, *

няхай славяць Цябе народы ўсе.

Зямля прынесла свой плён; *

Няхай Бог, наш Бог нас благаслаўляе.

Няхай Бог нас благаслаўляе, *

няхай баяцца Яго ўсе межы зямлі.

Ант. Праслаўляйма Пана / Валадара мучанікаў.

Хвала Айцу і Сыну

 і Духу Святому,

 Як была спрадвеку цяпер і заўсёды

 і на векі вечныя. Амэн

Ант. Праслаўляйма Пана / Валадара мучанікаў.

Малітва

Пане, наш Божа, праз заступніцтва святога Блажэя, мучаніка, выслухай просьбы Твайго народу, † дазволь нам у часовым жыцці цешыцца супакоем і здароўем * і дапамажы дасягнуць вечнага збаўлення. Праз Пана нашага Езуса Хрыста, Твайго Сына, † які з Табою жыве і валадарыць у еднасці Духа Святога, * Бог, праз усе вякі вечныя.