ІІІ тыдзень Звычайнага Перыеду

ІІІ тыдзень псалтыра

ІІІ ТЫДЗЕНЬ

НЯДЗЕЛЯ

Ютрань

Божа, прыйдзі. Хвала Айцу. Як была. Аллелюя.

Усё пададзенае вышэй прапускаецца, калі гэтая Гадзіна чытаецца непасрэдна пасля Закліку.

Гімн

1 Дзень першы вітаем, пачатак святла,

Дзень самы шчаслівы над злом перамогі,

Ён поўны вяселля і спеваў пахвальных,

Дзень Пасхі вітаем мы сёння.

2 За нас цярпеў Езус

І мукай сваёй Ён знішчыў людскія правіны,

З Айцом памірыў марнатраўных сыноў

Праз смерці крыжовую сілу.

3 Для зла і граху мы памерлі з Хрыстом,

Каб вечнасці мець узнагароду.

Праз хрост адраджэння чакаем і мы

Святла Сонца вечнасці.

4 Уваскрослы наш Пане і Сыне Айца,

Абмытыя кроўю Тваёю

Мы збаўлены ласкай і славім Цябе

Праз еднасць Тваю з Айцом і Духам. Амэн.

Псальмодыя

1 ант. Моцны ёсць Пан * у небе. / Аллелюя.

Псальм 93

Веліч Бога Стварыцеля

Запанаваў Пан Бог наш Усемагутны; будзем весяліцца і радавацца, і праславім Яго (Ап 19, 6. 7)

Пан валадарыць, *

Ён апрануўся ў веліч,

Пан апрануўся ў магутнасць *

і ёй падперазаўся.

Так сусвет умацаваў, *

што не пахіснецца.

Адгэтуль трон Твой непахісны, *

Ты існуеш спрадвеку.

Рэкі падымаюць, Пане, †

рэкі падымаюць свой голас, *

уздымаюць свае хвалі.

Але Пан на вышынях †

магутнейшы за шум вялікіх водаў, *

за марскія хвалі.

Сведчанні Твае вельмі праўдзівыя, †

дому Твайму належыць святасць *

на доўгія дні, о Пане.

ант. Моцны ёсць Пан * у небе. / Аллелюя.

2 ант. Ты поўны хвалы, Пане, * і праслаўлены навекі. Аллелюя.

Песня                                               Дан 3, 57-88. 56

Кожнае стварэнне славіць Пана

Хваліце Бога нашага, усе Ягоныя слугі (Ап 19, 5)

Благаслаўляйце Пана, усе стварэнні Ягоныя, *

хваліце і ўзвялічвайце Яго навекі.

Нябёсы, благаслаўляйце Пана, *

хваліце і ўзвялічвайце Яго навекі.

Благаслаўляйце Пана, Анёлы, *

хваліце і ўзвялічвайце Яго навекі.

Благаслаўляйце Пана, †

усе воды, што пад небам, *

хваліце і ўзвялічвайце Яго навекі.

Няхай усялякая моц *

благаслаўляе Пана,

хваліць і ўзвялічвае *

Яго навекі.

Благаслаўляйце Пана, росы ды іней, *

хваліце і ўзвялічвайце Яго навекі.

Благаслаўляйце Пана, мароз і холад, *

хваліце і ўзвялічвайце Яго навекі.

Благаслаўляйце Пана, лёд і снягі, *

хваліце і ўзвялічвайце Яго навекі.

Благаслаўляйце Пана, дні і ночы, *

хваліце і ўзвялічвайце Яго навекі.

Благаслаўляйце Пана, святло і цемра, *

хваліце і ўзвялічвайце Яго навекі.

Благаслаўляйце Пана, маланкі і хмары, *

хваліце і ўзвялічвайце Яго навекі.

Няхай зямля благаслаўляе Пана, *

няхай хваліць Яго і ўзвялічвае навекі.

Благаслаўляйце Пана, горы і ўзгоркі, *

хваліце і ўзвялічвайце Яго навекі.

Благаслаўляйце Пана, усе расліны зямлі, *

хваліце і ўзвялічвайце Яго навекі.

Благаслаўляйце Пана, крыніцы, *

хваліце і ўзвялічвайце Яго навекі.

Благаслаўляйце Пана, моры і рэкі, *

хваліце і ўзвялічвайце Яго навекі.

Благаслаўляйце Пана, †

кіты і ўсё, што плавае па водах, *

хваліце і ўзвялічвайце Яго навекі.

Благаслаўляйце Пана, усе нябесныя птушкі, *

хваліце і ўзвялічвайце Яго навекі.

Благаслаўляйце Пана, усе звяры і жывёлы, *

хваліце і ўзвялічвайце Яго навекі.

Благаслаўляйце Пана, чалавечыя сыны, *

хваліце і ўзвялічвайце Яго навекі.

Няхай Ізраэль благаслаўляе Пана, *

хваліць і ўзвялічвае Яго навекі.

Благаслаўляйце Пана, святары Ягоныя, *

хваліце і ўзвялічвайце Яго навекі.

Благаслаўляйце Пана, слугі Ягоныя, *

хваліце і ўзвялічвайце Яго навекі.

Благаслаўляйце Пана, †

духі і душы справядлівых, *

хваліце і ўзвялічвайце Яго навекі.

Благаслаўляйце Пана, †

святыя і пакорныя сэрцам, *

хваліце і ўзвялічвайце Яго навекі.

Благаслаўляйце Пана, Ананія, Азарыя, Місаэль, *

хваліце і ўзвялічвайце Яго навекі.

Благаславім Айца і Сына з Духам Святым, *

будзем хваліць і ўзвялічваць Яго навекі.

Благаслаўлёны Ты на скляпенні неба, *

хвалебны і ўзвялічаны навекі.

У канцы гэтай песні не гаворыцца Хвала Айцу.

2 ант. Ты поўны хвалы, Пане, * і праслаўлены навекі. Аллелюя.

3 ант. Хваліце Пана * з неба. / Аллелюя.

Псальм 148

Праслаўленне Бога Стварыцеля

Таму, хто сядзіць на троне, і Ягняці – благаслаўленне і пашана, і слава, і моц на векі вечныя (Ап 5, 13)

Хваліце Пана з нябёсаў, *

хваліце Яго ў вышынях.

Хваліце Яго ўсе Анёлы Ягоныя, *

хваліце Яго ўсе Ягоныя войскі.

Хваліце Яго, сонца і месяц, *

хваліце Яго, усе ясныя зоры.

Хваліце Яго, нябёсы нябёсаў і воды, *

якія па-над нябёсамі.

Няхай хваляць імя Пана, *

бо Ён загадаў, і яны былі створаны.

Паставіў іх назаўсёды і навекі *

і даў ім закон, які не праміне.

Хваліце Пана з зямлі, *

марскія пачвары і ўсе глыбіні.

Агонь і град, імгла і снег, *

віхор ветру, які спаўняе Яго слова.

Горы і ўсе пагоркі, *

ураджайныя дрэвы і ўсе кедры.

Звяры і ўсялякая жывёла, *

паўзуны і крылатыя птушкі,

каралі зямлі і ўсе народы, *

князі і ўсе суддзі зямлі,

хлопцы і дзяўчаты, *

старцы і падлеткі.

Няхай славяць імя Пана, *

бо толькі Яго імя ўзнесена высока,

веліч Яго па-над зямлёй і нябёсамі. *

Ён памножыў моц свайго народа.

Спеў хвалы ўсім Яго пабожным, †

сынам Ізраэля, *

народу, які блізка да Яго.

3 ант. Хваліце Пана * з неба. / Аллелюя.

Чытанне                                                                              Эз 37, 12б-14

Так кажа Пан Бог: «Вось Я адчыню магілы вашыя і выведу вас, народ Мой, з магілаў вашых і завяду вас у зямлю Ізраэльскую, і пазнаеце вы, што я – Пан, калі адчыню магілы вашыя і выведу вас, народзе Мой, з магіл вашых, і ўдыхну ў вас дух Мой, і ажывяце, і пасялю вас на зямлі вашай, і пазнаеце, што Я, Пан, сказаў гэта і зрабіў», – кажа Пан.

Рэспансорый

К.: Хрысце, Сыне Бога жывога, * змілуйся над намі. Усе: Хрысце. К.: Ты сядзіш праваруч Айца. Усе: Змілуйся. К.: Хвала Айцу. Усе: Хрысце.

Песня Захарыі

Ант. да песні Захарыі: Ідзіце за Мною, * і Я зраблю вас рыбакамі людзей.

Песня Захарыі Лк 1, 68-79

Благаслаўлёны Пан Бог Ізраэля, *

што наведаў народ свой і даў выбаўленне яму.

І падняў рог збаўлення нашага *

у доме Давіда, слугі Свайго.

Як абвясціў вуснамі *

спрадвеку святых прарокаў сваіх.

Выратуе нас ад ворагаў нашых *

і ад рукі ўсіх, хто нас ненавідзіць.

І ўчыніў ласку бацькам нашым *

і ўзгадае святы запавет свой.

Прысягу, якую даў Абрагаму, *

айцу нашаму, дасць нам.

Не з боязі, *

пасля выбаўлення з рукі ворагаў нашых,

Служыць Яму ў святасці і праўдзе *

перад Ім ва ўсе дні жыцця нашага.

А ты, дзіцятка, назавешся прарокам Найвышэйшага, *

бо пойдзеш прад абліччам Пана падрыхтаваць шляхі Яму.

Дасі народу пазнаць збаўленне *

праз адпушчэнне яго грахоў.

Дзякуючы міласэрнасці нашага Бога, *

з якою наведае нас Усход з вышыні,

Каб прасвятліць тых, што ў цемры і ў цені смяротным, *

каб пакіраваць ногі нашыя на дарогу спакою.

Ант. да песні Захарыі: Ідзіце за Мною, * і Я зраблю вас рыбакамі людзей.

Просьбы

Нястомна будзем прасіць Бога, які спаслаў Духа Святога, каб Ён быў святлом сэрцаў для ўсіх людзей:

Пане, будзь святлом для свайго люду.

Благаслаўлёны Ты, Божа, нашае святло,

– Ты для сваёй хвалы дазволіў нам дачакацца дня, які распачынаецца.

Пане, будзь святлом для свайго люду.

Ты асвяціў зямлю святлом уваскрасення свайго Сына,

– няхай Твой Касцёл занясе гэтае святло ўсім людзям.

Пане, будзь святлом для свайго люду.

Ты праз Духа Святога асвяціў вучняў свайго Адзінароднага Сына,

– спашлі Твайго Духа Святога на Касцёл, каб Ён захаваў яго ў вернасці.

Пане, будзь святлом для свайго люду.

Святло народаў, памятай пра тых, хто яшчэ жыве ў цемры,

– адкрый іх вочы і сэрцы, каб яны пазналі Цябе, адзінага і праўдзівага Бога.

Пане, будзь святлом для свайго люду.

Ойча наш.

Малітва

Усемагутны, вечны Божа, кіруй нашым жыццём паводле свайго ўпадабання, † каб мы дзеля імя Твайго ўмілаванага Сына маглі ўзрастаць у добрым. Праз Пана нашага Езуса Хрыста, Твайго Сына, які з Табою жыве і валадарыць у еднасці Духа Святога, Бог праз усе вякі вечныя. Амэн.

Пры адсутнасці святара ці дыякана, а таксама калі Ютрань чытаецца толькі адной асобай, то заканчваецца яна словамі:

Няхай нас благаславіць Бог, захавае ад усялякага зла і давядзе да жыцця вечнага. Усе: Амэн.