Літургія Гадзінаў

ІІІ тыдзень Звычайнага Перыеду

ІІІ тыдзень псалтыра

ІІІ ТЫДЗЕНЬ

НЯДЗЕЛЯ

ІІ НЕШПАРЫ

Божа, прыйдзі. Хвала Айцу. Як была спрадвеку. Аллелюя.

Гімн

1 Благаслаўлёны Ты, Божа,

У адзінстве Тройцы дасканалы;

Вось ужо згасае сонечнае святло,

Так спашлі ж святло ў сэрцы.

2 Цябе славім песняй з раніцы,

Праслаўляем гімнам пры заходзе,

Табе хочам аддаваць славу

Праз усе вякі, бясконца.

3 Айцецу, Сыну і Духу

Няхай будзе слава, падзякі;

Усемагутны Бог у Святой Тройцы

Няхай прыме нашы малітвы. Амэн.

Псальмодыя

1 ант. Пан сказаў майму Пану: * Сядай праваруч мяне. Аллелюя.

Псальм 110, 1-5. 7

Месія – Валадар і Святар

Трэба, каб Ён валадарыў, пакуль не пакладзе ўсіх ворагаў пад ногі свае (1 Кар 15, 25)

Пан сказаў майму Пану: *

Сядай праваруч мяне,

пакуль не пакладу ворагаў Тваіх *

да падножжа Твайго.

Жазло сілы Тваёй *

спашле Пан з Сіёна:

будзеш валадарыць *

сярод ворагаў Тваіх.

З Табою панаванне ў дзень Тваёй моцы, †

у бляску святасці, *

з улоння перад світаннем нарадзіў Цябе.

Пан прысягнуў і не пашкадуе: *

Ты святар навекі на ўзор Мэльхізэдэка.

Пан праваруч цябе *

разаб’е каралёў у дзень гневу свайго.

Па дарозе нап’ецца з патоку, *

таму падыме галаву.

ант. Пан сказаў майму Пану: * Сядай праваруч мяне. Аллелюя.

2 ант. Учыніў Ён памятнымі свае цуды * міласэрны Пан. Аллелюя.

Псальм 111

Вялікія справы Пана

Вялікія і цудоўныя справы Твае, Пане Божа Усемагутны (Ап 15, 3)

Буду славіць Пана ўсім сваім сэрцам *

у коле праведных і на сходзе.

Вялікія справы Пана, *

жаданыя для ўсіх, хто іх любіць.

Справа Ягоная – гэта хараство і веліч, *

а справядлівасць Ягоная трывае навекі.

Учыніў памятнымі свае цуды *

ласкавы і міласэрны Пан.

Спажытак дае тым, хто Яго баіцца, *

навекі памятае пра свой запавет.

Моц сваіх справаў абвясціў свайму народу, *

каб даць яму спадчыну язычнікаў.

Справы рук Ягоных праўдзівыя і справядлівыя, *

пэўныя ўсе Яго наказы,

умацаваныя на вякі вякоў, *

устаноўленыя ў праўдзе і справядлівасці.

Ён адкупленне спаслаў свайму народу, *

навекі ўстанавіў свой запавет.

Ягонае імя святое і грознае. *

Пачатак мудрасці – гэта боязь Пана;

разважлівыя ўсе, хто так чыніць. *

Хвала Яго будзе трываць вечна.

2 ант. Учыніў Ён памятнымі свае цуды * міласэрны Пан. Аллелюя.

3 ант. Пачаў валадарыць * Пан Бог наш Усемагутны.

Пры спеве наступнай песні Аллелюя гаворыцца, як тут адзначана; пры рэцытацыі дастаткова сказаць Аллелюя ў пачатку і ў канцы кожнага верша.

Песня пар. Ап 19, 1-7

Вяселле Ягняці

Аллелюя.

Збаўленне і слава, і моц Бога нашага, *

(Н. Аллелюя.)

бо праўдзівыя і справядлівыя прысуды Ягоныя.

Н. Аллелюя (аллелюя).

Аллелюя.

Узносьце хвалу нашаму Богу, усе Ягоныя слугі, *

(Н. Аллелюя.)

і тыя, хто Яго баіцца, малыя і вялікія.

Н. Аллелюя (аллелюя).

Аллелюя.

Бо запанаваў Пан Бог наш Усемагутны, *

(Н. Аллелюя.)

будзем весяліцца і радавацца, і праслаўляць Яго.

Н. Аллелюя (аллелюя).

Аллелюя.

Бо настала вяселле Ягняці, *

(Н. Аллелюя.)

і падрыхтавалася Ягоная жонка.

Н. Аллелюя (аллелюя).

3 ант. Пачаў валадарыць * Пан Бог наш Усемагутны.

Чытанне 1 П 1, 3-5

Благаслаўлёны Бог і Айцец Пана нашага Езуса Хрыста, што з вялікай Сваёй ласкі адрадзіў нас праз уваскрэсенне Езуса Хрыста з памерлых да жывое надзеі, да спадчыны нятленнай, чыстай, неўвядальнай, захаванай на нябёсах вам, сілаю Божаю празь веру ахаваным на ратаванне, якое гатова адкрыцца ў апошні час.

Кароткі рэспансорый

С. Блаславёны Ты, Пане, * на цвержы нябеснай.

У. Блаславёны Ты, Пане, * на цвержы нябеснай.

С. Праслаўлены і ўзвялічаны на векі.

У. на цвержы нябеснай.

С: Хвала Айцу і Сыну і Духу Святому.

У. Блаславёны Ты, Пане, * на цвержы нябеснай.

Песня Марыі

Ант. да Песні Марыі Вучні, пакінуўшы сеткі, * пайшлі ўслед за Богам і Збавіцелем, / аллелюя.

Песня Марыі

Магніфікат

Велічае душа мая Пана

І радуецца дух мой у Богу, маім Збаўцы,

Бо ўзглянуў на паніжэнне сваёй Слугі

І адгэтуль праслаўляць мяне будуць усе пакаленні.

Бо вялікія рэчы здзейсніў мне Ўсемагутны,

А Імя Яго святое,

Яго міласэрднасць з пакалення ў пакаленне

Над тымі, хто Яго баіцца.

Паказаў моц свайго пляча,

Раскінуў тых, што ганарыліся планамі свайго сэрца,

Скінуў валадароў з іх тронаў,

А ўзвысіў пакорных,

Галодных дабром насыціў,

А багачоў з нічым пакінуў.

Паглядзеў на свайго слугу, Ізраіля,

Памятаючы пра сваю міласэрнасць,

Як абяцаў бацькам нашым –

Абрагаму і яго патомству навекі.

Хвала Айцу, і Сыну, *

і Духу Святому.

Як была спрадвеку, цяпер, і заўсёды, *

і на векі вечныя. Амэн.

Ант. да Песні Марыі Вучні, пакінуўшы сеткі, * пайшлі ўслед за Богам і Збавіцелем, / аллелюя.

Просьбы

Да Бога, Які адкупленнем аднавіў створаны свет і няспынна абнаўляе яго любоўю, радасна ўсклічам: