28 студзеня – успамін св. Тамаша Аквінскага, святара і доктара Касцёла.

 Святы Тамаш нарадзіўся каля 1225г. Быў выхаванцам абацтва Монтэ Кассіно. У маладым узросце ўступіў да закона дамініканаў. Вывучаў тэалогію ў Калоніі пад кіраўніцтвам Альберта Вялікага, а пасля ў Парыжы, дзе пасля сам выкладаў. З’яўляецца самым знакамітым прадстаўніком філасофіі і тэалогіі схаластычнай. Яго галоўныя працы: “Сумма тэалогіі” і “Сумма супраць паганаў” з’яўляюцца арыгінальнай сінтэзай філасофіі і тэалогіі схаластычнай. Напісаў таксама каментары да Св. Пісання. Памёр 7 сакавіка 1274г. па дарозе на сабор у Ліоне. З’яўляецца патронам каталіцкіх школ.

ІІІ тыдзень Звычайнага Перыеду

ІІІ тыдзень псалтыра

ЗАКЛІК

Ант. Праслаўляйма Пана, / крыніцу сапраўднай мудрасці.

Псальм 24

Пану належыць зямля і ўсё, што на ёй, *

сусвет і ўсё, што жыве ў ім.

Бо Ён заснаваў яго на морах *

і на рэках умацаваў яго.

Ант. Праслаўляйма Пана, / крыніцу сапраўднай мудрасці.

Хто ўзыдзе на гару Пана, *

і хто стане на святым месцы Ягоным?

Той, у каго рукі бязвінныя і чыстае сэрца, *

хто не схіляў душы да марнасці.

Ант. Праслаўляйма Пана, / крыніцу сапраўднай мудрасці.

Ён атрымае благаслаўленне ад Пана *

і ўзнагароду ад Бога, свайго Збаўцы.

Вось пакаленне тых, хто Яго шукае, *

хто шукае абліччаТвайго, Бог Якуба.

Ант. Праслаўляйма Пана, / крыніцу сапраўднай мудрасці.

Падыміце, вярхі вашыя, брамы, †

узніміцеся, адвечныя вароты, *

каб увайшоў Кароль славы.

Хто ж гэты Кароль славы? †

Пан, моцны і магутны, *

Пан, магутны ў барацьбе.

Ант. Праслаўляйма Пана, / крыніцу сапраўднай мудрасці.

Падыміце, вярхі вашыя, брамы, †

узніміцеся, адвечныя вароты, *

каб увайшоў Кароль славы.

Хто Ён, гэты Кароль славы? *

Пан Магуццяў, Ён Кароль славы.

Хвала Айцу і Сыну

 і Духу Святому,

 Як была спрадвеку цяпер і заўсёды

 і на векі вечныя. Амэн

Ант. Праслаўляйма Пана, / крыніцу сапраўднай мудрасці.

Малітва

Божа, крыніца ўсялякай мудрасці, Ты ўчыніў Тамаша з Аквіну вялікім у святасці і даў яму глыбокае пазнанне адкрытых праўдаў, † просім Цябе, асвяці наш розум, каб мы спасціглі яго навуку * і ўмацуй нашу волю, каб мы наследвалі яго цноты. Праз Пана нашага Езуса Хрыста, Твайго Сына, † які з Табою жыве і валадарыць у еднасці Духа Святога, * Бог, праз усе вякі вечныя.