24 студзеня – успамін св. Францішка Сальскага

 Св. Францішак Сальскі нарадзіўся ў1567г. Пасля навучання ў Парыжы і Падуі і пасля кароткай юрыдычнай кар’еры атрымаў святарскія пасвечанні, і быў апосталам сярод кальвіністаў, навярнуў каля 70 тысяч чалавек. У 1602г. стаў біскупам Жэневы і нястомна працаваў над умацаваннем веры. Адзначыўся лагоднасцю і далікатнасцю, чым тлумачыцца яго апостальская праца. Яголісты, а асабліва “Філатэя” і “Тэотым”, належаць да класічных прац аскетыкі. Разам са св. Францішкай Фрэмо дэ Шанталь заклаў закон сясцёр візітак. Памёр 28 снежня 1622г. у Ліоне. 24студзеня быў пахаваны ў Анэццы, з’яўляецца патронам прэсы і каталіцкіх пісменікаў.

ІІІ тыдзень Звычайнага Перыеду

ІІІ тыдзень псалтыра

ЗАКЛІК

Ант. Праслаўляйма Пана, / крыніцу сапраўднай мудрасці.

Псальм 24

Пану належыць зямля і ўсё, што на ёй, *

сусвет і ўсё, што жыве ў ім.

Бо Ён заснаваў яго на морах *

і на рэках умацаваў яго.

Ант. Праслаўляйма Пана, / крыніцу сапраўднай мудрасці.

Хто ўзыдзе на гару Пана, *

і хто стане на святым месцы Ягоным?

Той, у каго рукі бязвінныя і чыстае сэрца, *

хто не схіляў душы да марнасці.

Ант. Праслаўляйма Пана, / крыніцу сапраўднай мудрасці.

Ён атрымае благаслаўленне ад Пана *

і ўзнагароду ад Бога, свайго Збаўцы.

Вось пакаленне тых, хто Яго шукае, *

хто шукае абліччаТвайго, Бог Якуба.

Ант. Праслаўляйма Пана, / крыніцу сапраўднай мудрасці.

Падыміце, вярхі вашыя, брамы, †

узніміцеся, адвечныя вароты, *

каб увайшоў Кароль славы.

Хто ж гэты Кароль славы? †

Пан, моцны і магутны, *

Пан, магутны ў барацьбе.

Ант. Праслаўляйма Пана, / крыніцу сапраўднай мудрасці.

Падыміце, вярхі вашыя, брамы, †

узніміцеся, адвечныя вароты, *

каб увайшоў Кароль славы.

Хто Ён, гэты Кароль славы? *

Пан Магуццяў, Ён Кароль славы.

Хвала Айцу і Сыну

 і Духу Святому,

 Як была спрадвеку цяпер і заўсёды

 і на векі вечныя. Амэн

Ант. Праслаўляйма Пана, / крыніцу сапраўднай мудрасці.

Малітва

Божа, па Тваёй волі для збаўлення душаў святы Францішак Салезскі, біскуп стаў усім для ўсіх, † просім Цябе, навучы нас па яго прыкладу служыць бліжнім, * каб у іх было адчуванне Тваёй айцоўскай любові. Праз Пана нашага Езуса Хрыста, Твайго Сына, † які з Табою жыве і валадарыць у еднасці Духа Святога, * Бог, праз усе вякі вечныя.