21 студзеня – успамін св. Агнешкі, панны і мучаніцы.

ЗАКЛІК

ант.  Праслаўляйма Пана,  * Валадара мучанікаў.

Псальм 100

Усклікай Пану, уся зямля. *

З радасцю служыце Пану.

Станьце перад Яго абліччам *

з радасным спевам.

ант.  Праслаўляйма Пана,  * Валадара мучанікаў.

Ведайце, што Пан ёсць Богам, *

Ён стварыў нас, і мы Ягоныя.

Мы Яго народ *

і авечкі Ягонай паствы.

ант.  Праслаўляйма Пана,  * Валадара мучанікаў.

Уваходзьце ў брамы Яго з падзякаю, †

на дзядзінцы Ягоныя з гімнам хвалы, *

праслаўляйце і благаслаўляйце Яго імя.

Бо Пан ёсць добры, *

навекі Ягоная міласэрнасць,

і вернасць Яго *

з пакалення ў пакаленне.

ант.  Праслаўляйма Пана,  * Валадара мучанікаў.

 Хвала Айцу і Сыну

 і Духу Святому,

 Як была спрадвеку цяпер і заўсёды

 і на векі вечныя. Амэн.

ант.  Праслаўляйма Пана,  * Валадара мучанікаў.

Малітва

Усемагутны вечны Божа, Ты выбіраеш тое, што свет лічыць слабым, каб прынізіць тое, што моцнае ў вачах свету, † учыні, каб мы былі трывалымі ў веры, як нас вучыць прыклад святой мучаніцы Агнешкі, * нараджэнне якой для неба мы сёння адзначаем. Праз Пана нашага Езуса Хрыста, Твайго Сына, † які з Табою жыве і валадарыць у еднасці Духа Святога, * Бог, праз усе вякі вечныя.