IІ тыдзень Звычайнага Перыеду
ІІ тыдзень псалтыра

ЧАЦВЕР ДРУГОГА ТЫДНЯ

ант.  Станьце перад абліччам Пана * з радасным спевам.

Псальм 100

Усклікай Пану, уся зямля. *

З радасцю служыце Пану.

Станьце перад Яго абліччам *

з радасным спевам.

ант.  Станьце перад абліччам Пана * з радасным спевам.

Ведайце, што Пан ёсць Богам, *

Ён стварыў нас, і мы Ягоныя.

Мы Яго народ *

і авечкі Ягонай паствы.

ант.  Станьце перад абліччам Пана * з радасным спевам.

Уваходзьце ў брамы Яго з падзякаю, †

на дзядзінцы Ягоныя з гімнам хвалы, *

праслаўляйце і благаслаўляйце Яго імя.

Бо Пан ёсць добры, *

навекі Ягоная міласэрнасць,

і вернасць Яго *

з пакалення ў пакаленне.

ант.  Станьце перад абліччам Пана * з радасным спевам.

 Хвала Айцу і Сыну

 і Духу Святому,

 Як была спрадвеку цяпер і заўсёды

 і на векі вечныя. Амэн.

ант.  Станьце перад абліччам Пана * з радасным спевам.