Літургія Гадзінаў

ІІ тыдзень звычайнага перыеду год Б

ІІ тыдзень псалтыра

Ютрань

Божа, прыйдзі. Хвала Айцу. Як была. Аллелюя.

Усё пададзенае вышэй прапускаецца, калі гэтая Гадзіна чытаецца непасрэдна пасля Закліку.

Гімн

1 Ужо знікае цемра ночы,

Зорка світання – на ўсходзе.

З надзеяй просім мы ў малітве

Айца на небе.

2 Адзіны Божа, змілуйся над намі,

Страх аддалі і адары спакоем.

Будзь нам Айцом і адчыні ласкава

Нам брамы неба.

3 Дапамажы, Усемагутны Божа,

Твая хвала няхай зямлю напоўніць,

Спеў праслаўлення Тройцы шлём спрадвечнай:

Айцу і Сыну, і Святому Духу. Амэн.

Псальмодыя

1 ант. Благаслаўлёны той, * хто прыходзіць у імя Панскае. / Аллелюя.

Псальм 118

Голас радасці і збаўлення

Ён – камень, які вы, будаўнікі, адкінулі, але Ён стаўся галавою вугла (Дз 4, 11)

Хваліце Пана, бо Ён добры, *

бо навекі Яго міласэрнасць.

Няхай скажа Ізраэль: *

Навекі міласэрнасць Ягоная.

Няхай скажа цяпер дом Аарона: *

Навекі міласэрнасць Ягоная.

Няхай скажуць тыя, хто баіцца Пана: *

Навекі міласэрнасць Ягоная.

З уціску я паклікаў Пана, *

Пан выслухаў і вызваліў мяне.

Пан са мною, я не буду баяцца, *

што можа мне зрабіць чалавек?

Пан са мною, Ён мая дапамога, *

я буду глядзець з пагардаю на ворагаў маіх.

Лепш ускладаць надзею на Пана, *

чым спадзявацца на чалавека.

Лепш ускладаць надзею на Пана, *

чым спадзявацца на вяльможных.

Усе язычнікі акружылі мяне, *

але імем Пана я іх знішчыў.

Яны абступілі мяне, *

але імем Пана я іх знішчыў.

Яны акружылі мяне, быццам пчолы, †

і пагаслі, як агонь у цернях, *

імем Пана я іх знішчыў.

Моцна штурхнулі мяне, каб упаў я, *

але Пан падтрымаў мяне.

Пан – сіла мая і песня, *

Ён стаў маім збаўленнем.

Голас радасці і збаўлення *

ў шатрах праведнікаў.

Правіца Пана чыніць цуды. †

Правіца Пана ўзнялася высока, *

правіца Пана праявіла сілу!

Не памру, але жыць буду *

і абвяшчаць справы Пана.

Моцна пакараў мяне Пан, *

але на смерць не выдаў.

Адчыніце мне брамы справядлівасці, *

я ўвайду ў іх і буду праслаўляць Пана.

Вось брамы Пана, *

справядлівыя ўвойдуць у іх.

Слаўлю Цябе, бо Ты мяне пачуў *

і стаў маім збаўленнем.

Камень, адкінуты будаўнікамі, *

стаў галавою вугла.

Пан учыніў так, *

і дзіўна гэта ў вачах нашых.

Вось дзень, які Пан учыніў, *

будзем радавацца ў ім і весяліцца.

О Пане, збаў! О Пане, паспрыяй. †

Благаслаўлёны, хто ідзе ў імя Пана, *

благаслаўляем вас з дому Пана.

Пан ёсць Богам, *

і Ён асвятліў нас.

Зрабіце ўрачыстую працэсію з галінкамі *

да самых рагоў алтара.

Ты – мой Бог, буду славіць Цябе; *

Божа мой, буду ўзвялічваць Цябе.

Дзякуйце Пану, бо Ён добры, *

бо Яго міласэрнасць навекі.

ант. Благаслаўлёны той, * хто прыходзіць у імя Панскае. / Аллелюя.

2 ант. Будзем спяваць гімны * нашаму Богу. / Аллелюя.

Песня Дан 3, 52-57

Няхай кожнае стварэнне хваліць Пана

Стварыцель... благаслаўлёны навекі (Рым 1, 25)

Благаслаўлёны Ты, Пане, Бог айцоў нашых, *

поўны хвалы і ўзвялічаны навекі.

Благаслаўлёнае святое імя славы Тваёй, *

хвалебнае і ўзвялічанае навекі.

Благаслаўлёны Ты ў святыні Тваёй святой славы, *

праслаўлены і ўзвялічаны навекі.

Благаслаўлёны Ты на троне Твайго валадарства, *

праслаўлены і ўзвялічаны навекі.

Благаслаўлёны Ты, які бачыш глыбіні, †

які сядзіш на Херубімах, *

хвалебны і ўзвялічаны навекі.

Благаслаўлёны Ты на скляпенні неба, *

хвалебны і ўзвялічаны навекі.

Благаслаўляйце Пана, усе творы Ягоныя, *

хваліце і ўзвялічвайце Яго навекі.

ант. Будзем спяваць гімны * нашаму Богу. / Аллелюя.

3 ант. Хваліце Пана * за бязмежную веліч Ягоную. / Аллелюя.

Псальм 150

Хваліце Пана

Спявайце духам, спявайце розумам, гэта значыць, праслаўляйце Бога і душой, і целам вашым (Хезыхій)

Хваліце Бога ў Яго святыні, *

хваліце Яго на небасхіле моцы Ягонай.

Хваліце Яго за Яго магутныя справы, *

хваліце Яго за бязмежную Яго веліч.

Хваліце Яго гукам трубы, *

хваліце Яго на арфе і гуслях.

Хваліце Яго бубнам і танцам, *

хваліце Яго на струнах і флейце.

Хваліце Яго на мілагучных цымбалах, *

хваліце Яго на цымбалах звонкіх.

Усё, што дыхае, *

няхай хваліць Пана.

3 ант. Хваліце Пана * за бязмежную веліч Ягоную. / Аллелюя.

Чытанне Эз 36, 25-27

Я акраплю вас чыстаю вадою, і вы ачысціцеся ад усіх агідаў вашых, і ад усіх ідалаў вашых ачышчу вас. І дам вам новае сэрца, і дух новы дам вам; і вазьму каменнае сэрца з цела вашага і дам вам сэрца цялеснае. І дух Мой Я ўдыхну ў нутро вашае і ўчыню так, што вы будзеце жыць паводле Маіх запаведзяў і наказы Мае будзеце захоўваць і выконваць.

Рэспансорый

К.: Праслаўляем Цябе, Божа, * хвалім Тваё імя. Усе: Праслаўляем. К.: Абвяшчаем Твае цуды.

Усе: Хвалім. К.: Хвала Айцу. Усе: Праслаўляем.

Песня Захарыі

Ант. да песні Захарыі: Два вучні пайшлі за Езусам, * убачылі, дзе Ён жыве, / і засталіся ў Яго ў гэты дзень.

Песня Захарыі Лк 1, 68-79

Благаслаўлёны Пан Бог Ізраэля, *

што наведаў народ свой і даў выбаўленне яму.

І падняў рог збаўлення нашага *

у доме Давіда, слугі Свайго.

Як абвясціў вуснамі *

спрадвеку святых прарокаў сваіх.

Выратуе нас ад ворагаў нашых *

і ад рук усіх, хто нас ненавідзіць.

І ўчыніў ласку бацькам нашым *

і ўзгадае святы запавет свой.

Прысягу, якую даў Абрагаму, *

айцу нашаму, дасць нам.

Не з боязі, *

пасля выбаўлення з рук ворагаў нашых,

Служыць Яму ў святасці і праўдзе *

перад Ім ва ўсе дні жыцця нашага.

А ты, дзіцятка, *

назавешся прарокам Найвышэйшага,

Бо пойдзеш прад абліччам Пана *

падрыхтаваць шляхі Яму.

Дасі народу пазнаць збаўленне *

праз адпушчэнне яго грахоў.

Дзякуючы міласэрнасці нашага Бога, *

З якою наведае нас Усход з вышыні,

Каб прасвятліць тых, *

што ў цемры і ў цені смяротным,

Каб пакіраваць ногі нашыя *

на дарогу спакою.

Ант. да песні Захарыі: Два вучні пайшлі за Езусам, * убачылі, дзе Ён жыве, / і засталіся ў Яго ў гэты дзень.

Просьбы

Падзякуем нашаму Збавіцелю, які прыйшоў на гэты свет, каб быць Богам з намі. Узнясём да Яго нашыя просьбы: