2 траўня 2012г. – успамін св. Атаназія, біскупа і доктара Касцёла.

 Святы Атаназій нарадзіўся ў Александрыі ў 295 годзе. Ужо дыяканам ён адыграў выключную ролю на Ніцэйскім Саборы (325), дзе было асуджана вучэнне Арыя, якое аспрэчвала Боства Хрыста. Калі ён стаў патрыярхам Александрыі, смела змагаўся словам і пяром з арыянізмам. 3-за нязломнай пазіцыі ў абароне праўды веры ён пяць разоў высылаўся з Александрыі і правёў 17 гадоў у еыгнанні. Памёр у Александрыі 2 траўня 373 года.

ЗАКЛІК

ант.  Хрыстос сапраўды ўваскрос. / Аллелюя

Псальм 67

Няхай Бог змілуецца над намі і благаславіць нас, *

няхай заззяе аблічча Яго над намі,

каб на зямлі мы спазналі Ягоную дарогу, *

між усімі народамі Яго збаўленне.

ант.  Хрыстос сапраўды ўваскрос. / Аллелюя

Няхай славяць Цябе народы, Божа, *

няхай славяць Цябе народы ўсе.

Няхай весяляцца *

і радуюцца ўсе плямёны,

бо Ты судзіш народы паводле праўды *

і плямёнамі на зямлі кіруеш.

ант.  Хрыстос сапраўды ўваскрос. / Аллелюя

Няхай славяць Цябе народы, Божа, *

няхай славяць Цябе народы ўсе.

Зямля прынесла свой плён; *

Няхай Бог, наш Бог нас благаслаўляе.

Няхай Бог нас благаслаўляе, *

няхай баяцца Яго ўсе межы зямлі.

ант.  Хрыстос сапраўды ўваскрос. / Аллелюя

Хвала Айцу і Сыну

 і Духу Святому,

 Як была спрадвеку цяпер і заўсёды

 і на векі вечныя. Амэн

ант.  Хрыстос сапраўды ўваскрос. / Аллелюя

Малітва

Усемагутны, вечны Божа, Ты даў свайму Касцёлу біскупа Атаназія, каб ён адважна абараняў веру ў Боства Твайго Сына,† учыні, каб мы, дзякуючы яго навуцы і заступніцтву, * глыбей Цябе пазнавалі і мацней любілі. Праз Пана нашага Езуса Хрыста, Твайго Сына, † які з Табою жыве і валадарыць у еднасці Духа Святога, * Бог, праз усе вякі вечныя.