1 траўня 2012г. – успамін св. Юзафа, Рамесніка.

 Святы Юзаф з’яўляецца ўзорам хрысціяніна ў выкананні хатніх і прафесійных абавязкаў. Працаваў ён у пастаяннай супольнасці з Езусам і Марыяй. Таму хрысціянін павінен памятаць, што, працуючы, ён выконвае Божы наказ «...рабіце зямлю сабе падпарадкаванай» / рыхтуецца да жыцця вечнага.

ЗАКЛІК

ант.  Хрыстос сапраўды ўваскрос. / Аллелюя

Псальм 67

Няхай Бог змілуецца над намі і благаславіць нас, *

няхай заззяе аблічча Яго над намі,

каб на зямлі мы спазналі Ягоную дарогу, *

між усімі народамі Яго збаўленне.

ант.  Хрыстос сапраўды ўваскрос. / Аллелюя

Няхай славяць Цябе народы, Божа, *

няхай славяць Цябе народы ўсе.

Няхай весяляцца *

і радуюцца ўсе плямёны,

бо Ты судзіш народы паводле праўды *

і плямёнамі на зямлі кіруеш.

ант.  Хрыстос сапраўды ўваскрос. / Аллелюя

Няхай славяць Цябе народы, Божа, *

няхай славяць Цябе народы ўсе.

Зямля прынесла свой плён; *

Няхай Бог, наш Бог нас благаслаўляе.

Няхай Бог нас благаслаўляе, *

няхай баяцца Яго ўсе межы зямлі.

ант.  Хрыстос сапраўды ўваскрос. / Аллелюя

Хвала Айцу і Сыну

 і Духу Святому,

 Як была спрадвеку цяпер і заўсёды

 і на векі вечныя. Амэн

ант.  Хрыстос сапраўды ўваскрос. / Аллелюя

Малітва

Божа, Творца сусвету, Ты зрабіў працу зямным прызначэннем чалавека,† учыні, каб мы па прыкладу святога Юзафа і пад ягонай апекай сумленна выконвалі даручаную нам працу * і маглі атрымаць абяцаную Табой узнагароду. Праз Пана нашага Езуса Хрыста, Твайго Сына, † які з Табою жыве і валадарыць у еднасці Духа Святога, * Бог, праз усе вякі вечныя.