28.04.2012г. – субота Вялікоднага Перыеду.

ІІІ тыдзень Вялікоднага Перыеду

ІІІ тыдзень псалтыра

ЗАКЛІК

ант.  Хрыстос сапраўды ўваскрос. / Аллелюя

Псальм 24

Пану належыць зямля і ўсё, што на ёй, *

сусвет і ўсё, што жыве ў ім.

Бо Ён заснаваў яго на морах *

і на рэках умацаваў яго.

ант.  Хрыстос сапраўды ўваскрос. / Аллелюя

Хто ўзыдзе на гару Пана, *

і хто стане на святым месцы Ягоным?

Той, у каго рукі бязвінныя і чыстае сэрца, *

хто не схіляў душы да марнасці.

ант.  Хрыстос сапраўды ўваскрос. / Аллелюя

Ён атрымае благаслаўленне ад Пана *

і ўзнагароду ад Бога, свайго Збаўцы.

Вось пакаленне тых, хто Яго шукае, *

хто шукае абліччаТвайго, Бог Якуба.

ант.  Хрыстос сапраўды ўваскрос. / Аллелюя

Падыміце, вярхі вашыя, брамы, †

узніміцеся, адвечныя вароты, *

каб увайшоў Кароль славы.

Хто ж гэты Кароль славы? †

Пан, моцны і магутны, *

Пан, магутны ў барацьбе.

ант.  Хрыстос сапраўды ўваскрос. / Аллелюя

Падыміце, вярхі вашыя, брамы, †

узніміцеся, адвечныя вароты, *

каб увайшоў Кароль славы.

Хто Ён, гэты Кароль славы? *

Пан Магуццяў, Ён Кароль славы.

ант.  Хрыстос сапраўды ўваскрос. / Аллелюя

Хвала Айцу і Сыну

 і Духу Святому,

 Як была спрадвеку цяпер і заўсёды

 і на векі вечныя. Амэн

ант.  Хрыстос сапраўды ўваскрос. / Аллелюя

Малітва

Божа, Ты ўсім, хто ў Цябе верыць, даў новае жыццё ў сакрамэнце хросту, † барані адроджаных у Хрысце Тваёю нястомнаю апекаю, * каб, супрацьстаючы спакусам, яны захавалі ласку Твайго благаслаўлення. Праз Пана нашага Езуса Хрыста, Твайго Сына, † які з Табою жыве і валадарыць у еднасці Духа Святога, * Бог, праз усе вякі вечныя.