19 красавіка 2012г. – чацвер Вялікоднага Перыеду.

ІІ тыдзень вялікоднага Перыеду

ІІ тыдзень псалтыра

ЗАКЛІК

ант.  Хрыстос сапраўды ўваскрос. / Аллелюя

Псальм 100

Усклікай Пану, уся зямля. *

З радасцю служыце Пану.

Станьце перад Яго абліччам *

з радасным спевам.

ант.  Хрыстос сапраўды ўваскрос. / Аллелюя

Ведайце, што Пан ёсць Богам, *

Ён стварыў нас, і мы Ягоныя.

Мы Яго народ *

і авечкі Ягонай паствы.

ант.  Хрыстос сапраўды ўваскрос. / Аллелюя

Уваходзьце ў брамы Яго з падзякаю, †

на дзядзінцы Ягоныя з гімнам хвалы, *

праслаўляйце і благаслаўляйце Яго імя.

Бо Пан ёсць добры, *

навекі Ягоная міласэрнасць,

і вернасць Яго *

з пакалення ў пакаленне.

ант.  Хрыстос сапраўды ўваскрос. / Аллелюя

 Хвала Айцу і Сыну

 і Духу Святому,

 Як была спрадвеку цяпер і заўсёды

 і на векі вечныя. Амэн.

ант.  Хрыстос сапраўды ўваскрос. / Аллелюя

Малітва

Міласэрны Божа, † дай, каб у нашым жыцці заўсёды плённаю была ласка, * якою Ты адорваеш нас праз пасхальныя сакрамэнты. Праз Пана нашага Езуса Хрыста, Твайго Сына, † які з Табою жыве і валадарыць у еднасці Духа Святога, * Бог, праз усе вякі вечныя.