07.04.2012г. – Вялікая Субота

Святы Пасхальны Трыдуум

ЗАКЛІК

ант.  Праслаўляем Хрыста Пана, /  замучанага за нас і складзенага ў магілу.

Псальм 95

Прыйдзіце, радасна спяваць будзем Пану, *

Узнясём вокліч да Скалы нашага збаўлення.

Станем перад абліччам Яго з праслаўленнем,*

Весела спявайма Яму песні.

ант.  Праслаўляем Хрыста Пана, /  замучанага за нас і складзенага ў магілу.

Бо Пан – Бог вялікі, *

Вялікі Кароль над усімі багамі.

У Яго руках глыбіны зямлі, *

Вяршыні гор да Яго прыналежаць.

Уласнасць Яго – мора, якое сам стварыў, *

І зямля, якую зляпілі Яго рукі.

ант.  Праслаўляем Хрыста Пана, /  замучанага за нас і складзенага ў магілу.

Прыйдзіце, праславім Яго ўпаўшы на твар, *

Укленчым перад Панам, Які нас стварыў.

Бо Ён – наш Бог, †

А мы – народ Ягоны, авечкі ў Яго руцэ.

ант.  Праслаўляем Хрыста Пана, /  замучанага за нас і складзенага ў магілу.

Каб мы сёння пачулі Ягоны голас:

Няхай не ствярднеюць вашыя сэрцы як ў Мерыбе, *

Як на пустыні ў дзень Масса,

Калі спакушалі Мяне вашыя бацькі, *

Дасведчылі Мяне, хоць бачылі мае справы.

ант.  Праслаўляем Хрыста Пана, /  замучанага за нас і складзенага ў магілу.

Праз сорак гадоў гэтае пакаленне ўзбуджала ўва Мне агіду, †

І сказаў Я: “Вось народ са згубленым сэрцам *

Не ведае маіх сцежак.”

І прысягнуў Я ў гневе, *

Што не ўвойдуць у краіну майго спачынку.

ант.  Праслаўляем Хрыста Пана, /  замучанага за нас і складзенага ў магілу.

 Хвала Айцу і Сыну

 і Духу Святому,

 Як была спрадвеку цяпер і заўсёды

 і на векі вечныя. Амэн

ант.  Праслаўляем Хрыста Пана, /  замучанага за нас і складзенага ў магілу.

Малітва

Усемагутны, вечны Божа, Твой Адзінародны Сын быў складзены ў магілу і выйшаў з яе поўны хвалы, † зрабі ласкава, каб вернікі, якія праз хрост удзельнічаюць у Яго смерці, *  дзякуючы Яго ўваскрасенню дасягнулі радасці вечнага жыцця. Праз Пана нашага Езуса Хрыста, Твайго Сына, † якi з Табою жыве i валадарыць у еднасцi Духа Святога, * Бог, праз усе вякi вечныя.