23.03.2012г. – пятніца Вялікага Посту

IV Тыдзень Вялікага Посту

IV Тыдзень псалтыра

ЗАКЛІК

ант.  Слухайце сёння голасу  Пана, * адкрыйце сэрцы на Яго заклік.

Псальм 67

Няхай Бог змілуецца над намі і благаславіць нас, *

няхай заззяе аблічча Яго над намі,

каб на зямлі мы спазналі Ягоную дарогу, *

між усімі народамі Яго збаўленне.

ант.  Слухайце сёння голасу  Пана, * адкрыйце сэрцы на Яго заклік.

Няхай славяць Цябе народы, Божа, *

няхай славяць Цябе народы ўсе.

Няхай весяляцца *

і радуюцца ўсе плямёны,

бо Ты судзіш народы паводле праўды *

і плямёнамі на зямлі кіруеш.

ант.  Слухайце сёння голасу  Пана, * адкрыйце сэрцы на Яго заклік.

Няхай славяць Цябе народы, Божа, *

няхай славяць Цябе народы ўсе.

Зямля прынесла свой плён; *

Няхай Бог, наш Бог нас благаслаўляе.

Няхай Бог нас благаслаўляе, *

няхай баяцца Яго ўсе межы зямлі.

ант.  Слухайце сёння голасу  Пана, * адкрыйце сэрцы на Яго заклік.

Хвала Айцу і Сыну

 і Духу Святому,

 Як была спрадвеку цяпер і заўсёды

 і на векі вечныя. Амэн

ант.  Слухайце сёння голасу  Пана, * адкрыйце сэрцы на Яго заклік.

Малітва

Міласэрны Ойча, Ты нам, слабым людзям, даеш патрэбную дапамогу, † учыні, просім, каб з радасцю прынялі мы ласку аднаўлення * і сведчылі аб ёй жыццём пабожным. Праз Пана нашага Езуса Хрыста, Твайго Сына, † які з Табою жыве і валадарыць у еднасці Духа Святога, * Бог, праз усе вякі вечныя.