11 сакавіка 2012г. – ІІІ нядзеля Вялікага Посту

ІІІ тыдзень псалтыра

ЗАКЛІК

ант.  Праслаўляем Хрыста Пана, /  Які для нас быў спакушаны
і распяты.

Псальм 95

Прыйдзіце, радасна спяваць будзем Пану, *

Узнясём вокліч да Скалы нашага збаўлення.

Станем перад абліччам Яго з праслаўленнем,*

Весела спявайма Яму песні.

ант.  Праслаўляем Хрыста Пана, /  Які для нас быў спакушаны
і распяты.

Бо Пан – Бог вялікі, *

Вялікі Кароль над усімі багамі.

У Яго руках глыбіны зямлі, *

Вяршыні гор да Яго прыналежаць.

Уласнасць Яго – мора, якое сам стварыў, *

І зямля, якую зляпілі Яго рукі.

ант.  Праслаўляем Хрыста Пана, /  Які для нас быў спакушаны
і распяты.

Прыйдзіце, праславім Яго ўпаўшы на твар, *

Укленчым перад Панам, Які нас стварыў.

Бо Ён – наш Бог, †

А мы – народ Ягоны, авечкі ў Яго руцэ.

ант.  Праслаўляем Хрыста Пана, /  Які для нас быў спакушаны
і распяты.

Каб мы сёння пачулі Ягоны голас:

Няхай не ствярднеюць вашыя сэрцы як ў Мерыбе, *

Як на пустыні ў дзень Масса,

Калі спакушалі Мяне вашыя бацькі, *

Дасведчылі Мяне, хоць бачылі мае справы.

ант.  Праслаўляем Хрыста Пана, /  Які для нас быў спакушаны
і распяты.

Праз сорак гадоў гэтае пакаленне ўзбуджала ўва Мне агіду, †

І сказаў Я: “Вось народ са згубленым сэрцам *

Не ведае маіх сцежак.”

І прысягнуў Я ў гневе, *

Што не ўвойдуць у краіну майго спачынку.

ант.  Праслаўляем Хрыста Пана, /  Які для нас быў спакушаны
і распяты.

 Хвала Айцу і Сыну

 і Духу Святому,

 Як была спрадвеку цяпер і заўсёды

 і на векі вечныя. Амэн

ант.  Праслаўляем Хрыста Пана, /  Які для нас быў спакушаны
і распяты.

 Малітва

Божа, крыніца ўсялякае міласэрнасці і дабрыні, Ты нам даў як лекі ад граху пост, малітву і добрыя ўчынкі, † спагадна прымі прызнанне нашай слабасці, * а калі мы падаем пад цяжарам нячыстага сумлення, хай заўсёды падымае нас Твая міласэрнасць. Праз Пана нашага Езуса Хрыста, Твайго Сына, † які з Табою жыве і валадарыць у еднасці Духа Святога, * Бог, праз усе вякі вечныя.