21 лютага 2012г. – аўторак Звычайнага Перыеду.

VІІ тыдзень Звычайнага Перыеду

ІІІ тыдзень псалтыра

ЗАКЛІК

ант.  Прыйдзіце, праславім  Пана, * Якому належыць сусвет і ўсё, што жыве ў ім.

Псальм 24

Пану належыць зямля і ўсё, што на ёй, *

сусвет і ўсё, што жыве ў ім.

Бо Ён заснаваў яго на морах *

і на рэках умацаваў яго.

ант.  Прыйдзіце, праславім  Пана, * Якому належыць сусвет і ўсё, што жыве ў ім.

Хто ўзыдзе на гару Пана, *

і хто стане на святым месцы Ягоным?

Той, у каго рукі бязвінныя і чыстае сэрца, *

хто не схіляў душы да марнасці.

ант.  Прыйдзіце, праславім  Пана, * Якому належыць сусвет і ўсё, што жыве ў ім.

Ён атрымае благаслаўленне ад Пана *

і ўзнагароду ад Бога, свайго Збаўцы.

Вось пакаленне тых, хто Яго шукае, *

хто шукае абліччаТвайго, Бог Якуба.

ант.  Прыйдзіце, праславім  Пана, * Якому належыць сусвет і ўсё, што жыве ў ім.

Падыміце, вярхі вашыя, брамы, †

узніміцеся, адвечныя вароты, *

каб увайшоў Кароль славы.

Хто ж гэты Кароль славы? †

Пан, моцны і магутны, *

Пан, магутны ў барацьбе.

ант.  Прыйдзіце, праславім  Пана, * Якому належыць сусвет і ўсё, што жыве ў ім.

Падыміце, вярхі вашыя, брамы, †

узніміцеся, адвечныя вароты, *

каб увайшоў Кароль славы.

Хто Ён, гэты Кароль славы? *

Пан Магуццяў, Ён Кароль славы.

ант.  Прыйдзіце, праславім  Пана, * Якому належыць сусвет і ўсё, што жыве ў ім.

Хвала Айцу і Сыну

 і Духу Святому,

 Як была спрадвеку цяпер і заўсёды

 і на векі вечныя. Амэн

ант.  Прыйдзіце, праславім  Пана, * Якому належыць сусвет і ўсё, што жыве ў ім.

Малітва

Усемагутны Божа, пакорна Цябе просім, † навучы нас быць разважлівымі, * каб словам і чынам мы выконвалі тое, што Табе даспадобы. Праз Пана нашага Езуса Хрыста, Твайго Сына, † якi з Табою жыве i валадарыць у еднасцi Духа Святога, * Бог, праз усе вякi вечныя.